Om oss

Verdsarven Urnes arbeider for å ta vare på OUV-en til Urnes stavkyrkje. OUV står for Outstanding Universal Value, den eineståande verdien som gjer at kyrkja er viktig for heile verda.

Organisering

Vi er organiserte med eitt verdsarvråd og ei lokal arbeidsgruppe. Desse representerer aktørar (innbyggjarar i buffersonen, kommunen, fylkeskommunen, Riksantikvaren og Fortidsminneforeininga) som er viktige for Verdsarven Urnes.

Verdsarvkoordinator er skrivar for begge og leiar det daglege arbeidet.

  • Verdsarvrådet møtest 4 gonger i året, har det øvste ansvaret for arbeidet som blir gjort, og består av:

    • Andreas Wollnick Wiese (ordførar Luster kommune) Leiar

    • Trude Knutzen Knagenhjelm (Styreleiar Fortidsminneforeininga) Nestleiar

    • Jon Askeland (Fylkesordførar Vestland Fylkeskommune) Styremedlem

    • Ivar Kvalen (Luster kommune) Styremedlem

    • Morten Stensland Løwe (Fortidsminneforeininga Sogn og Fjordane avd.) Styremedlem

    • Per Jørgen Loen (Solvorn Bygdelag) Styremedlem

    • Grete Bugge (Samarbeidsgruppa for grendelag på Sørsida) Styremedlem

    I tillegg inviteres observatørar frå:

    • Luster kyrkjelege fellesråd

    • Dagleg leiar Urnes stavkyrkje

    • Riksantikvaren

    • Statsforvaltaren i Vestland

    Verdsarvkoordinator er rådet sin skrivar.

  • I lokal arbeidsgruppe møtest representantar for innbyggjarane rundt verdsarven og Luster kommune. Lokalt arbeidsutval jobbar med dei konkrete tiltaka som skal gjerast og fremjar saker til verdsarvrådet. Utvalet består av:

    • Per Jørgen Loen (Solvorn Bygdalag) leiar

    • Grete Bugge (Samarbeidsgruppa for grendelaga på Sørsida)

    • Ole Gunnar Krakhellen (ass. kommunedirektør Luster kommune )

    • Ingebjørg Njøs Storvik (dagleg leiar Urnes verdsarvsenter)

    • Morten Stensland Løwe (fungerande verdsarvkoordinator og skjøtselansvarleg) Luster kommune)

Kontakt oss

Vi er eit lite team som består av verdsarvkoordinator, skjøtselsansvarleg og to skjøtselsmedarbeidarar.

Vi samarbeider tett med dagleg leiar og guidane som er tilsette ved Urnes stavkyrkje.

Arbeidet

Vi jobbar med tiltak som bind saman kyrkja, kulturlandskapet og lokalsamfunnet. Sjå ei komprimert utgåve av handlingsplanen her.

Full versjon kan lastast ned frå dokumentsida.

  • Barn og unge er nøkkelen til framtida for verdsarven på Ornes. Vi vil at dei skal kjenne tilhøyrsle, forstå kvifor Urnes er unik, og lære korleis dei sjølve kan ta vare på kultur- og naturverdiane. Gjennom aktivitet, leik og undervisning knyter vi historia til kvardagen.

    Dette gjer vi:

    • Skape trivsel og tilhøyrsle for barn og unge lokalt

    • Opplæring i kva verdsarv er og korleis vi tek vare på henne

    • Undervisningsopplegg i samarbeid med barnehagar og skular

    • Aktivitetar i lag med Ornes grendelag, til dømes aktivitetsløype og skulehuset

  • Kunnskap og gode forteljingar gjer verdsarven levande. Vi byggjer kompetanse i tradisjonelle metodar, og formidlar samanhengen mellom kyrkja, landskapet og lokalsamfunnet. Slik kan fleire forstå, bruke og vidareføre arven – i klasserom, på kurs og ute i landskapet.

    Dette arbeider vi med:

    • Kurs i tradisjonell skjøtsel og handverk (ljåslått, styving, hagebruk)

    • Formidling av samanhengen mellom kyrkja, landskapet og lokalsamfunnet

    • Utvikle ein pedagogisk plattform med enkle «kunnskapskort» og interpretasjon

    • Samarbeid med lokale fagmiljø og andre UNESCO‑stader på Vestlandet

  • Nærområdet rundt kyrkja er ein del av historia. Med aktiv skjøtsel held vi kulturlandskapet ope, tek vare på artsmangfald og gjer utsikter og stiar tilgjengelege. God besøksforvaltning og ein tydeleg buffersoneplan sikrar at verdiane blir ivaretekne også når fleire kjem på besøk.

    Dette gjer vi:

    • Aktiv skjøtsel for å hindre attgroing og halde siktliner opne

    • Legge til rette for beitedyr og aktivt jordbruk, frukt og bær

    • Betre besøksflyt: meir gåande frå ferja, betre parkering i Solvorn

    • Forvaltnings‑ og buffersoneplan som sikrar verdiane over tid

  • Eit levande lokalsamfunn er det beste vernet for verdsarven. Når folk bur, arbeider og møtest på Ornes, blir historia teken vare på i praksis. Difor prioriterer vi betre samband, møteplassar, aktivitetar og samarbeid som skaper arbeid og trivsel.

    Dette arbeider vi for:

    • Arbeide for betre samband over og langs fjorden (ferje, båttaxi)

    • Skape møteplassar, aktivitetar og fleire jobbmoglegheiter

    • Støtte tiltak som fremjar busetjing og tilgang på bustader

    • Arrangere Urnes verdsarvforum for samarbeid mellom næring, grunneigarar og forvaltning

Dette er våre viktigaste prioriteringar for 2026

  1. utviklinga av verdsarvsenteret og Urneshagen i samarbeid med Fortidsminneforeininga

  2. styrking og vidareutvikling av verdiane i nærområdet gjennom skjøtsel og berekraftig besøksforvaltning

  3. stimulere til at verdsarvstatusen skaper nye moglegheiter for landbruk, næringsutvikling og folketalsvekst